|
Ziri-biursak [XIV-XVI]
Soroa, Marzelino
XIV.
SENAR EMAZTEAK.
-¿Gabeko amabiyetan
inguratzen zera?
¡gizona! ¿nola zatoz
orren goiz echera?
-¡Orra bada! ¿zer naizu?
garai ontan ez da
taberna bat gelditzen
irikirik eta...
XV.
¿AITZEN?
-Illia moztu nai det
kazka motz jarririk,
ez gero tiratzeko
maisubak illetik.
XVI.
CHANTONEN BOINA
Choch berritik zijoan
balantzaka Chanton,
eta lurrera boina
erori zitzayon.
Aserretu nayian
izketan asi zan,
bere boina sarrari
gogoz esanikan:
-¿Or ago? bai, ¿or ago
utzirik jabia?
¿nai ukek, alperra, nik
oraiñ alchatzia?
Bañan ezat alchako,
zergatik alchatzen
asi ezkero, ni nak
orduban erortzen.
Eta i bezela ni
banitz eroriko,
beñepin eninukek
lurretik alchako.
Eta beiraturikan
boinari ziarka,
eche aldera joan zan
beti balantzaka.
Zir-biursak [XVII-XX]
Soroa, Marzelino
XVII.
KORAPILLUA.
-¿Nagusiya echian da?
-¿Zer nai zuben esan?
-Kontu bat nekarren ta...
-Donostira joan zan.
-Orra bada diruba
bear niyon eman...
-Bañan gaur etorri da
goizian andikan.
XVIII.
¿GOSIAK?
Berekiñ bazkaltzera
Blas zuben eraman
zur batek, ta gosiak
ura gelditu zan.
Eta galditurikan
kafia nai zuben,
Blasek eranzun ziyon
enbido botatzen:
-Oraiñ ez jauna, baizik
bazkaldu ta gero;
kafia nik artzen det
beti jan ezkero.
XIX.
TALUAK.
Aita batek zituben
bi seme mendiyan
ikazkintzan zeudenak
udaren erdiyan,
irukirikan biyak
echolan berekiñ
taluak egiteko
zaku bana iriñ.
Egun batian aita
mendi gora joan zan,
semiak ikusteko
zuben zori onan.
Eta biyetatik bat
egonik urruti,
asi ziran ojuka
esaten alkarri:
-Anai, aita etorri dek
ta ¿zeñen zakutik
taluak aitarentzat
jartzia nai dek ik?
-Aiziaren otsakiñ
ez diat aitzen nik,
bañan egiñ-i-zazkik
taluak iretik.
XX.
¡ARRAZOIA ONA!
Gasparrek eranikan
ardua gogotik,
berriketan asi zan
berocho jarririk.
-Ardu' onek ura du.
-Urik ez, barkatu.
-Bai jauna, zergatikan
naizen mariatu,
eta beti urakiñ
gertatzen zait ori;
itsasuan bakarrik
mariatzen naiz ni.
|
