Zer aparejuba!

Soroa, Marcelino

 Nagusi batek zuben

 morroi bat echian

 iruki nai zubena

 denbora luzian.

 Zegon mutiko arren

 biar biarrian

 bagan ustez zekarren

 beraren kaltian.

 Bialdurikan maizcho

 arduaren billa

 denbora luze gabe

 joatentzan mutilla.

 Lenbizi garbiturik

 ederki bolilla

 esanikan obia

 etorri derilla.

 Aruntzian utsikan

 onuntzian gabez

 ardo billa zijuan

 saltoka ta pozez.

 Betetzeko tabernan

 aitzuten onenez

 naiz echera orduko

 tantorik izan ez.

 Nausiyaren sudurrak

 noiz bait ziran puztu

 ikusirik ardua

 etzegola justu.

 Bere moduz pentsatzen

 "mutillak dit ustu

 bestela bidian da

 botilla zapuztu."

 Galdeziyon arturik

 kontu mereziya

 -ardo billa juatian

 (esantzak egiya)

 ¿zintzurretik barrena

 joatentzaik erdiya?-

 -Ez jaun;...

 -Barkatuko

 diat. Ez aiz fiya?-

 Zafatzeko morroyak

 nola zan abilla

 erantzun zuben azkar

 sorturik naspilla:

 -Ez det jauna progatzen

 nuanian billa

 baizik dakartanian

 beteta botilla