Kontentu!
Soroa, Marcelino
Bi mutill baserritar
koskor pocholuak,
etziran nere ustez
arkitzen beruak.
Elurrak goizetikan
lurra zuriturik,
zeuden erdi jantziyan
biyak eta oñutsik.
Galtza mochak tirante
oyal ertzarekiñ,
zulo bat falta gabe
bakallabarekiñ.
Masaill gorriyak, begi
alai, ez motelak,
ezpañaren gañian
zintzillik kandelak.
Gosari zai egonik
echien aurrian,
asi ziran esaten
alkarren artian:
-Errege baintzake
¿ik zer jango uke?
-¿Errege banitzake?
naiko talo t'esne.
-¿Eta ik? tira, esantzak.
-Nik... nik... ¡etzekiat!
onenak ik esanta
¿zer esango diat?
|