Esa... miña

Soroa, Marcelino

 Medikutako zuben

 Jillek esamiña

 beldurrarekiñ ere

 bai tripako miña.

 Zuk izango zenduben

 nola dan jakiña

 trantze gogor, abetan

 arkitu baziña.

 Tribunalen aurrean

 agertu zanian

 estuasuna franko

 zeukan barrenian.

 Zenbat ezur ditugun

 biatz bakoitzian

 galdea egin zioten

 aurren aurrenian.

 Ibilli zan mutilla

 zerbait nairik esan

 jo gora ta jo bera

 bañan arroketan.

 Nun naitik zerizkala

 izerdi tantuak

 begiak oker, dar-dar

 ankak ta besuak.

 Ikusirikan ori

 tribunalekuak,

 kupiturik chandatu

 zizkan leziyuak.

 -¿Zer aginduko dezu

 badago estutua

 norbait sukarrarekin

 pulmoniyaz jua?-

 Pozez, pentsaturikan

 gauza segurua

 erantzun zuben azkar

 -Azken-unziyua.