Erantzuteko estuasuna
Soroa, Marcelino
Aita seme batzubek
Mundaizko bidian
zebiltzen paseatzen
atzo goiz aldian.
Idi bat ikusirik
an aldamenian
izutu zan semea
umetasunian.
Eta beldurrarekin
esaten zuben-ni
pasatzian emendik
arkitzen naiz larri,
gertatzen diralako
inguruban beti
beñere falta gabe
zezen bat edo bi.
-Ez dek ori zezena
mutill beldurtiya
baizik idi makal bat
errukigarriya.-
Gero galdetu ziyon
zerbait jakiñ naita
-zer diferentzi duten
esan bezait aita.
-¡Onechek jartzen dizkit
oraiñ neri trabak!
Zezenak... aitak dituk,
idiak... osabak.
|