Bost bertsolarik kantatu dute

Zubeltzu

 I

 Bost bertsolarik kantatu dute

 izugarri kurioso,

 oiek dakite kantu-danari

 zein aldetatik eraso;

 Artañola ta Txapel laguna

 jarri zaizkit alimoso,

 gaiñera berriz Uztapide ta

 Basarri eta Lizaso,

 ai zer ederki portatu diran,

 danari eskerrik asko?

 II

 Modu onetan ikusi dira

 Itziarko jolastiak,

 nonbait nai zuten umore onez

 emen alkar ikustiak;

 oiek egin dituzten jolasak

 eta gaiñera txistiak,

 ederki asko portatu dira

 erriko mutil gaztiak.

 III

 Gure Jainkuak eman diguna

 ainbesteko anaitasuna,

 emen ekusi degu oraintxe

 orrenbeste bat pertsona;

 beti izandu deigula emen

 pakia ta osasuna,

 zerua eztakit zer izango dan,

 auxen dek edertasuna

 IV

 Alde batera pentsatutzen det:

 nago burutik nastua;

 plaza ontako edertasuna

 au da ezin siñistua

 Asi Arrona, Aizarnazabal,

 Aizarna eta Zestua,

 Amabirjiña bisitatzera

 ekarri duten gustua,

 ezta izango zeruan ere

 ori zuekin aztua.