Xalbadorren omenez
Solozabal, Jose A.
Milla beatzireun hirurogeita
hamaseigarren urtian
Kolpe gogor bat gertatu zaigu
Urepeleko herrian
Omenaldi bat prestatu zuten
hark merezi zun bestian
Eta Xalbador hantxen sartu zan
zeruetako bidian
Uste gabian susto handia
izan da han danontzako
Nola oraindik gu prest ez gauden
bera gabe bizitzeko
Baiņa juan da ta onen-onena
eskatu zeruan sartzeko
Jaunak lekua ziur dauka ta
gertu Xalbadorrentzako
Edozer gauza eskatu eta
hura zan beti prestua
Begien bistan eukitzen zuan
gizontasunaren sua
Bertsutan eta baita hizketan
zintzu eta goxua
Hitz baterako nere ustean
gizona oso osua
Asko esandare asko da palta
haren danak esateko
ajolarikan bate etzio
edozeini laguntzeko
Abertzalea jaiotzatikan
eta herriaren aldeko
gauza asko guk danok daukagu
eragandik ikasteko
Egun hartatik Euskal Herria
aurkitzen da miņ gogorrez
Abixu gabe juan ziņan da
gelditu giņan negarrez.
Orain zerura begira gaude
ta Xalbadorri didarrez
hemen lagundu dagigun beti
handi Jesusen indarrez
Izen geitutzat jartzen genion
Xalbador zala haundia
Bene benetan orain dakigu
gendula danok maitia
Urte askuan zaila izango da
bere izena aztia
Herrian alde eman zulako
zedukan odol guztia