Iru erregeak
Andonegi, Ziriako
Lurreko erregeak
Datoz Jesusgana
Adoratzera beren
Erregea dana.
I
Sortaldera izar bat
joan da albistari,
orra onetan bertan
naikoa mirari:
Izar guztiz eder au
dutela gidari,
iru errege datoz
jarraika berari.
II
Sinismen illa duten
alper ta nagiak
ez dituzte nai izan
idiki begiak:
Baiņa datoz utzirik
beren jauregiak,
estalpetxo batera
iru erregiak.
III
Jerusaleneraiņo
diranean eltzen,
izar gidari ura
zaie eskutatzen.
Baiņa ala ere ez
dira ateratzen,
Mesias non jaio dan
an dabiltz galdetzen.
IV
Dabiltz zerbait nairikan
izarraren ordez,
judioen Errege
non jaio dan galdez:
Berri oekin dago
beldurrez Herodes
jakintsuei galdezka
dakiten edo ez.
V
Jaun oien iritzia
da jerusalenen,
jaiorik izan bear
duala Belenen:
Erregeak diote;
¨Zertan gaude emen?
Goazen Belen aldera,
goazen bai lenbailen.
VI
Erregeak bidean
ez ditezen galdu,
ara izarra berriz
non zaien azaldu:
Beren atsegiņ poza
eziņez estaldu,
ari jarraika dira
Belenera eldu.
VII
Estalpe zar batian
zeruko erregia,
orra emen aurrian
daukan jauregia:
Lurrekoak ikasi
bezate egia,
digun amorioa
dala geiegia.
VIII
Irurak belauniko
jesusen aurrian,
zeru batean daude
estalpe zarrian:
Dakarzkioten mirra
inzensu ta urrian,
Bere mendeko dira
aitortzen lurrian.
IX
Aundia izandu da
egiaz omena,
Erregeak Jesusi
eman diotena:
Baita ere zorion
errege oena,
zeru-lurretan arki
diteken onena.
X
Erregeak daudela
arturikan loak,
Herodes'gana ez joan
dio aingeruak:
Etxerakoan bide
egokiagoak,
arturik; orain agur
Errege Magoak.
|