Soldadoak malobretan
Soldado bat
1
Mila bederatzi ehun hamekako urthean
Aphiriletik hasirik maihatz erdi artean
Ginen bi mila soldado Tarbeko eskualdean
Hamazazpi egunentzat jinah egun berean
2
Bayonarat bildu ginen gure sor etcherik,
Zombeitek beren esposak eta haurrak utzirik
Buraso'ta haurrideri adio bat erranik
Itzultzekotan laburzki uros eta osorik.
3
Bayonatik gero laster bigarren arratsean
Burdin bidez bagoazi Tarbereko bidean;
Tarbetik oinez aitzina biharamun goizean
Baratu ginen Camp de Ger deitzen den zelhaiean.
4
Atherbetako ditugu oihal etchola batzu
Bat bertzearen aldean emanak aski usu;
Haizeak uzkaltzen ditu zombeit aldiz abantchu
Gauaz ongi gidatzeko, egin behar da kasu.
5
Lastoa dugu ohetzat gauaz lo egiteko,
Harria bezain gogor da egiten goizetako;
Berant etzanikan ere erne gira jeikiko
Ez dugu beldur handirik loak enganatzeko.
6
Egunaz ibiltzen gira harat hunat lasterka
Alegia gerlan ari batzu bertzen tiroka,
Phausan jartzen gireneko zombeit berriz mokoka
Nehork ezin ichilaraz halakoen kalaka.
7
Lauetarikan hirurak baigira Eskualdunak,
Lehen igandean gira asko Lurden izanak
Han egin izan ditugu othoitzak kartsuenak
Lagun gaitzan egun hotan gure Ama Birjinak.
8
Arratsalde aphaletan dugunean aizina
Hemen ageri da laster orduan Eskualduna;
Eskual dantza eta kanta bai eta irrintzina
Iduri Eskual herrian han da han atsegin.
9
Aitzindariak ditugu arras gizon zuzenak
Gure ganik beltzuririk batere ez dutenak;
Erresalbukoak dira gehien gehienak
Gu bezala hamazazpi egunen dako jinak
10
Egun hok bururaturik Jaun Gaikoari esker
Gure, sor herrietarat joanen gira laster
Alderdi guzietarat bai eskoin eta ezker
Errarik hiri adio behingotzat Camp de Ger!