Belar, secuolla, lur eta zerua
Serrulla, Ina
Izkinak denboran
-aldatzen direnean,
haietako batetan doblatu ninan eta
ikusi hindudan, gogor eta ezezagun,
lagun mina, eta tantoka ardoz beratu hunen
nire irudi iluna eta doblatu ninan
eta hobe ezagutu nizkinan hire espazioak
eta ikusi haunat, kizkur beltzezko sorgina
misterio inkonformista eta hire ezpainen
arrazoi leuna, eta nire ezpain hezeek
(bizi kuriosoa) egunoroko gelaren horizonte tristean
desiatzen haute, hildako bizia,
eta ni ezezaguna,
kale hautsiak korritzen dizkinat eta gero
ihes egiten dinat, esperpento, eroa,
bihotz estrafalarioa,
kendu eta jartzen dinat, jetxi eta igotzen dinat
eta horrela beste aldiz
Edeneko lorategian jolasten din nire biziak
egunsentiari esaten zion
«Dena aldatu beharko behin
Han esaten dinat (doan bezain maiz etortzen)
iluntze gorriaren argian:
gaur bertan belarrik berdeena
eta secuollarik zaharrena
bila dezagun, egunsentia baino lehen
egurrezko haiztoek mozten duten
zeru garbiaren kanta bila dezagun
lur biluziarentzat
oin biluziak
eta hi eta ni nahasturik: izar,
belar, secuolla, lur eta zerua
eta agian
nire eta hire bide berriaren orduan iristean
hire ezpainetan musu emango dinat
eta hoan edozein lekutan
ba al dakin? hi bezalakoa izango naun
izar
belar, secuolla, lur eta zerua.