Ikastolako bizitza

 1

 Hartu liburu, karpeta,

 arkatzak eta maleta

 burua asmoz beteta.

 Ikastetxeko maisuei jarri

 beharko zaie arreta

 inoiz ordea kasketa

 ezin geldi egon eta

 denok barrutik erreta.

 2

 Natur zientziak, Mate,

 Inglesa eta Gizarte

 Hizkuntza ez da aparte

 Soin-Heziketa, Informatika

 Gaztelera eta Prete

 Etika ez dugu kalte

 denok hortxe jo eta ke

 «Nahikoa» atera arte.

 3

 Ikasiz portu ta kaia,

 erromatarren garaia

 ez den arren gure nahia.

 Jolas-garaia iristen zaigu

 emanez une lasaia

 paperez beterik mahaia

 nahiz eta txukuntzen saia

 inork ez dauka galaia.

 4

 Ostiralero ikuzi

 eta halere itsusi

 hiri daiteke ikusi

 mahai-aulkitan da komunetan

 mila irudi berezi

 egileek bai merezi

 dena garbitu erazi

 ongi dezaten ikusi.

 5

 Kontatutako guztia

 Eskolako historia

 bukatua daukat ia.

 Ondorengoa nahiz ta benetan

 litzatekeen miraria

 izanez gero zoria:

 nota onak ta saria,

 nolako oporaldia!

Sarriegi, Aitor