Agur, Arantza, lengusiña maitea

Sardui, Miren Begoña

 Usoa baizen polita eta

 Edurra baizen zuri,

 Gorputz ta arima margo batian

 Dozuz, Arantza, agiri.

 Eskar Onaren Ama Zerutik

 Dozularikan zaindari,

 Beti aurrera eiteko indarra

 Eskatu, Arantza, berari.

 Oraindik dala denpora gutzi

 Ziñan zu gazte lerdena,

 Ule ta begi baltzungak eta

 Gorputz liraiñ bikaiñena,

 Ekanduz garbi, jolasez garden,

 Alaitasunez lenena,

 Ez gendun uste, Zumarraga'ra,

 Monja juango ziñena.

 Udabarriak indarrez bultza

 Oi dan beti negu baltza...

 Zugatzak orriz estalduagaz

 Lorez apaindu baratza.

 Soiñeko orrexek, bialdu dautzu

 Gogoaren ludi atza,

 Eskatu zeru laguntza.

 Zorionaren jaube zarala

 Etzaite jarri aztuta,

 Soiñeko orixe maite dodala

 Ardiak beste bildotsa.

 Nai bedi Jaunak, gu izatea,

 Soiñez bardiñ apainduta,

 Zorioneko izan gaitezan

 Soin ta gogoz alkartuta.