Jabier Sarasola
Ezdakitenak jakin dezaten
notiziya bat neria
bertso batzuek ateratzeko
orain det idia
ondo daudenak gaizki ipintzen
batzuek ibiltzen dia
txarri tratuba eginda auda
gizonen buruzbidia.
Kristo jayozan denboratikan
eta oraindaņokuan
milla urte ta bederatzireunda
ogeita amaika juan
gertatzen diran kontu oriyek
edukitzeko goguan
eta tratubak egin ditzagun
fineza obiaguan.
Zer da boladan itzegiteko
zertako egon lotsakin
gabaz kanpuan ibiltzen dira
izugarrizko otsakin
geure anbat geratuko ez giņan
orren alderdi motzakin
ondo pentsatu izan bagendu
zer pasako zan ontzakin.
Amaika txarri gaztetatikan
zortzi aukeran erosi
ta kamiyora lagundutzeko
mutil bat agindu azi
txarri mutil birian laga
bera aurrera igesi
itza kunplitzen erakutsia
ez oteluke merezi.
Joanzan San Martin bigarrenian
txarri oyek erostera
amalau duro ta erdiņa tratu
igo zan orrenbestera
birez erdiyan txori tropenbat
oserbatu du ostera
momentu baten eskapatu du
erri batetik bestera.
Zarra kamiyoz Erkizirata
txarri tratuan gaztia
etorkizunak bildurtu nunbait
pentsatu igez astia
automobillan sartu eraman
senide batek bestia
ori egiten duten klasiak
jenero fiņak eztia.
Zenbait egazti gaiztuak dira
kuadrillak alkar artuta
ta ontzat berriz motel samarrak
geyenetan bakartuta
bildurtu erraza da olako
tratu gaiztoak artuta
bere burua defenditzen du
arbol zuluan sartuta.
Gere buruban zer pensamentu
ote zeduzkan jarriyak
ikaratuta utzitzeraņo
zeamazkien txarriyak
deskonfiantzak berekin ditu
estuazun da larriyak
ontzarentzako alare ez dira
milagro izugarriyak.
Baņa ez dakit ote dabillen
arrazoi bide onian
estreņengua etzun izango
ori egin duanian
pentza lezake non eta nola
ibilliko dan lanian
txoriak esna topatuko ditu
berriz etortzen danian.
Txarriak ondo eramateko
lagunai ziyon agindu
eta mutillak zintzo ta leyal
orren esana egin du
ta kamiyora juan danian
aldegin dula jakindu
sentimenturik duan persona
nola ez liteke mindu.
Baserritara zertara juan
okasiyo ematera
gure lurretik ark kerdu zitun
ez asi itzik jatera
esateomendu ezginuzela
bear dan garayan atera
eramatia baņo etzeuzkan
berak berekin batera.
Mundu ontara jayuak gera
nunbait asko ikusteko
guk ezaldegu arrazoitikan
zerbait esaten asteko
kuidadorikan etzan egongo
tratuba orla uzteko
epoka ona barrunda balu
galanki irabazteko.
Tratu merkian artu naita
txarri bikaņak gustatzen
gauza onzale geranak gera
baņa bildurra gastatzen
alako amaika ume ta ama
ezdira gutxi kostatzen
orrek ainbeste nork eman bada
geyegi ez nion eskatzen.
Burla egitiak pena eman dit
ez det galdu interesan
presiyo oyek nork ordaindubak
baditut egiya esan
gertatu dana aitortutzeko
zertako egon perezan
gure moduban beste lekutan
iņor engaņa ezdezan.
Telefonora deitu nion
iru edo lau alditan
gizonik eztubela etxian
andriak itz egindit bitan
urrutitikan igertzen nion
etzebiltzala egitan
beti geroko luzepenian
orra nola utzi ditan.
Tolosan alkar billatu degu
amargarren egunian
eman nai nizkion ze kosta ziran
gizonak juzga enian
lagunak esan obe dezute
bertan konpondu onian
atziaz laister jiratu zaigu
ori entzun duenian.
Zenbait gizonek minutu baten
itzari ezin eutsita
berak nai duna eitia libre
besteri eragotzita
tratuban ere eskarmentubak
eldu erakutsita
tratantiakin gutxi fiyatu
siņale gabe utzita.
Non eta nola eroriko dan
persona ezin markatu
baņa orlako tratanterikan
egundo etzat gertatu
esker aundiyak merezi dituzu
etzera gaizki portatu
zuk egiņaren ordaņak dira
gaizki esanak barkatu.
