Eskalduna

Sarako koplari bat

 Eskualdun seme dena bedi alegera!

 Ikhusi dut bet betan (oi zein den ederra!

 Ez ametsetan, ez ametsetan, nintzen atzarria)

 Arboza bat harrokan ederki jarria.

 Zer haiz bada, arbola? orai mintza hadi,

 Harrokatik begira hagoena guri

 -Ni nauk Eskualdun, ni nauk Eskualdun, bai aspaldikoa,

 Egundaino haizkorak ezin hautsizkoa:

 Nahi duenak jakin noizkoa ni naizen,

 Bilha beza harrokan erroak non diren.

 Baliatu zait, baliatu zait barnasko baitziren,

 Orai bertzenaz bizi ez nitzan izanen.

 Ikhusi-tut armadak heldu Erromatik,

 Ene hosto ederra handik ikhusirik.

 Athera nahi, athera nahi ninduten errotik;

 Ezin khendu zautaten zembait adar baizik.

 Pikatu badarautet numbaitik adarra,

 Azpian atzeman tut, entzun dut nigarra

 «Eskaldunaren, Eskaldunaren adarren dorphea!

 «Zerk nau ekharrarazi ni heyen azpira!»

 Doidoya ene minak zazin sendatzera,

 Huna non agertzen den Erdaldun jendea.

 Ibaika yausten, ibaika yausten ene hondatzera;

 Guti zakien zer zen Eskaldun arbola!

 Heldu zaizkit gainera tiroinak borthitzik,

 Berekilan ni nahiz eraman hemendik.

 Bai iharrosi, bai iharrosi, bainan nago chutik;

 Gan ziren, eta nago errege bakharrik!

 Bakean nagoela oduz geroztikan

 Amesten duk menturaz, haurra hire baithan...

 Etsai handia, etsai bakharra munduan Karloman

 Ni ere nahiko nau garbaitu guduan.

 Karlomauen kapitain, berrolan handia,

 Harek zuen beretu ja mundu guzia.

 Bethor Karloman, bethor Errolan, ez naiz aurdikia;

 Dugun ikhus norena daiteken hauzia.

 Turuta soinuz huna nun tudan guziak,

 Izitzen dituztela hegastinak berak.

 Zaldi zuriak, zaldi gorriak, zer gizon hazkarrak!

 Nola detzazke garhait Eskualdun arbolak?

 Haizkorez harmatuak, denak lotzen zaizkit;

 Bertzen ezin bertzean, Errolan azkenik

 Lotzen zait bainan, lotzen zait bainan etzuen ahalik...

 Jo nuen errekara harroken gainetik.

 Huna orai non naizen, orai lehengoa;

 Lorerik ez dut bainan sendo dut erroa.

 Ez naiz ihartu, ez ihartuko, segur dut bizia,

 Ez badautet azpian zelhaitzen mendia?

 -Eskaldunak, geroztik gaiten alegera!

 Kanta berria dugun denek kanta gora:

 Biba Eskaldun, biba Eskaldun arraza hazkharra!

 Biba mendi gainean Eskaldun arbola!