Bilbometroa

Santutxuko Tropikana

 1

 Ustegabean dator,

 gaur aurrerapena

 Bilbo azpitik azkar

 ibiltzeko trena.

 Bilbo azpitik trena

 ze ideia fina

 inork ez ikusteko

 erreka zikina.

 Metro gora, metro behera,

 porrua sartu dizute

 ta ez zara entera.

 2

 Barrionuevok eman

 du bisto-buenoa

 orain eukiko dugu

 hiri modernoa.

 Gorordo jaunak hori

 balu sinetsiko

 kotxe blindatu hori

 ez zun erosiko.

 Metro gora, metro behera...

 3

 Frantzitik dakarkigu

 Euskadira trena

 eta Metroa ere

 arintzeko dena.

 Arintzen duena da

 gure poltsikoa

 ta berea astundu

 hau da betikoa.

 Metro gora, metro behera...

 4

 Zulatuko ditugu

 harri ta arrokak

 ehun tonelada ditu

 taladroko brokak.

 Gorordo ez ote da

 hortako onena

 berak bait du soinean

 mustur gogorrena.

 Metro gora, metro behera...

 5

 Metroarekin hasi

 dira Erandion

 hain modernorik ez da

 gaur munduan inon.

 Ai nire lagun ona

 nork engaina zaitu?

 ezetz inbento hori

 sekulan amaitu.

 Metro gora, metro behera..

 6

 Metroarekin dena

 joango da ondo

 kola eta ataskorik

 ez dugu izango.

 Kola eta buztana

 dira gauza bera

 ondo sartu dizute

 ta ez zara entera.

 Bilbometro mitikoa

 ea ez zaizun jaiotzen

 metro erdikoa.