Arnasa berria
Santisteban, Karlos
Aldakortasunaren erlojuak
uzten digu irentsiriko denbora
eta bideratzen gaitu
ezagutu gabeko pera
anitzkoloredun itxaropenera
biharko egunsentira.
Arnasa berria dugu beharrezko!
Arnasa berria
gorputzaren elikagarritzat
gorpuaren hilgarritzat
geroaren geroa
ikus dezagun suberriz
argiturik
beroturik:
gerozko egun argiz
Herria izan dadintzat!
Arnasa berria dugu beharrezko!
Arnasa zaharra
ahiturik baita
eta hauspoen hirian,
behar baitu ostatu.
Arnasa berria
duguntxoxea
bilaka dadin
erauntsi
bilaka dadin
ekaitz
sumendi
itsaso,
tximist
haserretzarrezko noizbait
batetan.
Arnasa berria dugu beharrezko!
(Arpas dezagun
biharraren eztia
askatasunezko mahaian.)