Tolosan bazen omenaldi bat
Santza Kruz, Praixku
Omenaldi bat eskaintzen zien
beste semeei Tolosak
gogratu nahiz galdu ditugun
Joxi ta Joxeanen hotsak.
Haien patuak izozten ditu
gure arnas ta bihotzak
deusetan nola suntsitu ditun
isiltasunaren hotzak.
Abertzalea gorritutzen du
han falta zirenen lotsak
Gazte horiek ez dira izan
ez aurren ta ez azkenak
esan digute ta zulatzen nau
gorrotoaren eztenak:
otsoari baimena emanda
jateko ardi onenak
aztu eraziz naian dabiltza
senide hilen izenak
askatasuna bazkari baten
trukean saltzen dutenak.
Alderdi Egun batez kanta hau
Gasteizen dut ikasia
jelkide zarrek abestu zuten,
ta honela zen hasia:
Euskalerriko semeak gera
zor diogula bizia
beraren alde emango degu
zainetako odol guzia.
Gezur artean zapuztu al da
gudari zarren hazia?
Bergarakoa lenengoa zen
ta ez traizio bakarra,
saldukeriaz betea bait da
euskal histori zakarra.
Berriz ote da Eisenhower-ek
eginak esan beharra?
Orain Juan Carlos-en arrimoan
omen daukagu indarra:
salduarentzat Inperioak
beti du ordain kaxkarra.
Irlandan bada euskaldunontzat
etsenplu izugarria
demokrazia odolez hartzen
askatasunei neurria.
Iparraldean luzatuz doa
hilen zerrenda larria
Hegoaldean Santi Bruard-ez
marka digute jarria:
ikaraz ongi gogortu lendik
estu genun lokarria.
Baina Irlandak erakusten du
su eta odolen truke:
txikiak ere buru t'indarrez
haundia bentzu dezake.
Arnasa bera ez bada libre
dei ote liteke pake,
usoa ere ez al da gaizto
hegala askatu arte?
Urduri dabil, nekatuko da,
segi dezagun jo ta ke