Elkartu gaitian

Sanchez Irure, Cayetano

 Micheletak ibiltzen dirade

 lorechuak azaltzian,

 baten gañetik bestera egon

 beli lorien gañian;

 ni ere orla ibildutzen naiz

 zu nonbait billatu naiyan,

 Donostiyatik joantzeralako

 beti bildurrak aidian.

 Ezdet onikan ikusi gabe

 egunaz eta gabian,

 zure galdezka ibiltzen nazu

 jende danari kalian;

 naiyago nuke beti betiko

 baseunde aldamenian

 nik nai detena ¡ay! egiñ gabe

 illko naiz bai onenian.