Azken gauzak oroitu
Andatz-mendi
(Doņua: Mutil koskor itxu aurreko...)
Jayuak gera mundura eta
jakiņa ill-biar ori,
izu-ikara aundi xamarra
orrek ematen dit neri:
Iruditzen zat berdiņ emango
diola beste iņori,
biar bezela ez degulako
ongi bizitzen ikasi:
Urrikaltasun berezitxo bat
eskatu biar Jaunari.
Aitzaki asko ematen zayo
gure lenengo Aitari,
Ebatz batera zorioneko
baratzan zeuan Adan'i.
Berak pekatu egiņ zuen ta
ondoren txarrak ekarri,
egiteitugu gaiztakeri ta
millaka prestuezkeri:
Urrikaltasun berezitxo bat
eskatu biar Jaunari.
Ill biar dala ziurra degu
noizikan iņork ez daki,
sinismeneko egia da-ta
goguan dala ibilli:
Erakuste onak ematen daki
ixil ixillik ederki,
oien erara jarrai dezagun
gerta ez gaitezen larri:
Urrikaltasun berezitxo bat
eskatubaz guk Jaunari.
Gerenez argal ta ezerezak
au edozeņek badaki,
jarrai dezagun bide zuzena
laguntza dator ugari:
Aberastasun txit ugariak
Birjiņa amak ixuri,
biotz-biotzez opa diozka
alegindutzen danari:
Era danera eskatu biar
errukitzia Jaunari.
Gure izeneko santu maitiak
Aingeru eta Amari,
iņola ere eziņ utzi guk
eskatu gabe oieri:
Onekiņ ezer irixte ezpada
Jaun gurutziltzatubari
guzi-guziok maitiak gaitu
erreguz dago Aitari:
Urrikaltzia eska deiogun
danon jabe ta Jaunari.
Oben gaiztua Adan'ek egiņ
galduak giņan gu beti,
azkatutzera Jesus maitia
ezpalitzaku etorri.
Gure zor dana beretzat artu
egiņ zalako gizaki,
zenbatu eziņ ainbesteraņo
zorretan gaude berari:
Urrikaltasan berezitxo bat
eskatu biar Jaunari.
Oraindaņoan egiņ duana
agiri zaigu txit argi,
onak zerura eraman eta
txarrak surtara bidali.
Gaiztakerian jarraitutzeko
gogua kentzen dit neri,
bildur santuba biotzian ta
egintza zuzenak jarri:
Urrikaltasun berezitxo bat
benaz eskatu Jaunari.
Atoz onera ĄAitaren maite!
esango dio norbaiti,
madarikatzen zaituet eta
Ąalde surtara! askori.
Bi oietatik gertaera bat
etorri biar zait neri,
izu-ikara aundi batekiņ
zintzo obe det ibilli:
Urrikaltasun berezitxo bat
aurrez eskatu Jaunari.
