Azeria eta ollarra
Samaniego
Azeri zar andi bat
Gosaldu gabea
Zebillen sasiz-sasi
Errabiz betea;
Illuntzera zijoan,
Eta mokadurik
jan gabe arkitzen zan
Gaisoa oraindik.
Ollo batek kakaraz
Egiñik oñetan,
An dijoa lasterka
Lau oñen puntetan,
Ozta ollotegira
Alderatutzen zan,
Ollo guztiak iges
An dijoaz egan;
Bakarrik gelditu zan
Otarre batean,
Kolka bat arkitzen zan
Arraultzen gauean.
Aldamenetik zaio
Azeria asten
Kolkari belarrira
Onela esaten;
¡Zer da ori, maitea!
¿Kioa al dezu,
Edo arraultz egiten
Zaude orrela zu?
Atera bear nazu
Kezka onetatik:
Nola arkitzen zeran
Jakin nai nuke nik.
Jauna, dio olloak,
Arkitzen naiz gaizki;
Ayenatzen bazera,
Jarriko naiz ongi.
¿Zenbati, nola gauden
Galde egitean,
Ez diegu esaten
Geren barrenean,
Azeriari esan
Ziona olloak,
Miñez zeukan orduan
Saskian kioak?
|