Zelaiko sagarra

Sagarzazu

 Loretxo

 Neria,

 Sagar-lore zuria.

 Bai zaidala atsegiña,

 Zure eztidun urriña!

 Loretxo

 Bikaña,

 Unkigarri ta apaña...!

 Len lore,

 Gaur sagar,

 Mardul, eder eta azkar.

 Zure margo polita,

 Urrea lez gorrixta.

 Sagar on

 Garbia,

 Arrik gabe azia...!

 Zaude or,

 Zuaitzan,

 Zintzilika... zalantzan...

 Beti lerden, ederki...

 Iribarrez, alaiki.

 Ez zaitut

 Aztuko

 Apala zeralako.

 Zelaiko.

 Sagarra,

 Nere maite bakarra!!!