Lotxo bat egiten

Satarka

 Udaberria da... Txoriñoak non-nai

     Poz-pozez abesten...

 Zuaitz danak ostoz yantziak orlegiz,

     Liliak yaiotzen.

 Udaberria da... Amatxo maitea,

     Poztasunez dago...

 Aurtxo txit polita, gaur yaio berria,

     Seaskatxoan lo...

 Aur txiki gaxoa, orain esnatu da.

     Begiak zabalik...

 Irii-barrez dago, amari begira...

     Ez du lo gogorik.

     Amak abesten du:

     Egin zazu lo-lo,

     Ai nere kutuna,

     Lo eiteagatik

     Nik emango dizut

     Zuk gura dezuna.

     Ttunkurrunkuttunku...

     Ttunkurrunkuttuna...

     Loooo... loooo...

 Negu beltz, txarra da... Txoriñoak otzez

     Ez dute abesten.

 Zuaitzak an-emen osto eder gabe,

     Liliak igartzen.

 Negu beltz, txarra da... Amatxo maitea,

     Samindurik dago.

 Aur txiki gaxoak, iñolaz seaskan

     Ezin du egin lo.

     Amak abesten du:

     Egon bada ixillik

     Ai nere kuttuna,

     Zu sendatzearren

     Nik emango nuke

     Nere ontasuna.

     Ttunkurrunkuttunku...

     Ttunkurrunkuttuna...

     Loooo... loooo...

 ***

 Aur txiki gaxoa, orain geldi-geldi...

     Begiak itxirik...

 Lotxo bat egiten... ixil, ixil-ixil...

     Seaskan dago illik...