¡Surrexit!
Piztu da gure Berteroslea
Gu ere piztu gaitean,
Zeru ta lurrak aserre ziran,
Gelditu dira pakean.
Ordaindu digu Adan'en zorra
Guk giñuenaz batean;
Zeru zaleak eragozketik
Ez dauka goiko atean.
Berjeiki da Jesus,
Berjeiki gaitu:
Berjeikiko zera
Zuk nai badezu.
Alai diteke zeruetako
Miren gure erregiña:
Piztu da bere sabel garbian
Sortu zan Seme garbia.
Piztuko zala, esanik zeukan,
Oraiñ egitu du itza.
Gaur-geroz, ala baitagokio,
Berekin du goiko giltza.
Berjeiki da Jesus...
Jerusalen'dik goiz irtenikan
Obira eldu ziraden
Emakumeak gorputz santua
Usaiz igortzi nai zuten.
Aingeruei, arriturikan,
Diote bertan entzuten:
Jeiki da Jesus, Jesus piztu da;
Begira, ez dago emen.
Berjeiki da Jesus...
Bañan Jesus'ek berpizte ura
Etzigun noski gorde nai,
Madalenari agertu zayo
Obi-baratzan txit alai.
Baitere laxter, poztutze arren,
Illun dauden ikasleai;
Emaus'era otezkik asko
Bidean zeramatenai.
Berjeiki da Jesus...
Atsegin aundiz itzuli dira
Emaus'tik bereala
Kleofas, eta onen laguna,
Beste ikaslietara;
Jerusalen'en bildu dira, ta
Antxen alkarrez daudela,
Jesus berriro ara joan zaie
Pakea daramaitela.
Berjeiki da Jesus...
Berriz ta berriz agertu gabe
Ez da zeruronz igoko;
Ara joan baño lenagotikan
Eliza digu jarriko.
Sakramentuak utziko dizka
Bideak erraztutzeko;
Jesus maitea etorri baitzan
Luditarrak askatzeko.
Berjeiki da Jesus,
Berjeiki gaitu:
Berjeikiko zera
Zuk nai badezu.