Super flumina Babylonis
Babiloniako uren bazterrean
Minez gare jarri iphuru gainean;
Eta han, oi Sion, zutaz orhoitzean,
Oro sarthu gare nigar-uharrean.
Gure arrabitak sahats-adarretik
Dilindan hor daude... beude hor ichilik!
Khendu gaituztenek gure herritarik
Galdetzen daukute hango kantetarik!...
Hunat gaituztenek ekharri gathibu
Entzun nahi dute hango zembait kantu.
Oi bainan guk nola, zer himno sakhratu
Atze-herr huntan kanta dezakegu?
Ahanzten bazaitut, Sion onhetsia,
Bertan ihar bekit eskuin alderdia
Orhoitzen ez banaiz zutaz, oi herria,
Aho-gainari loth daidala mihia!
Zutaz bethi zutaz ene asmuetan...
Zurekin gogoa... bihotza zu baithan!...
Zutaz kanpo banu irri bat hortzetan,
Nihon bozten banaiz, hil benedi bertan!
Orhoit zaite, Jauna, Edomen, semeaz,
Sion herrausteko egun gogor hartaz,
Edom nola zagon izkola marrumaz
«Chahu! chahu dena burdin eta suaz!»
Babilondar andre gaichtagina hiri
Niri egin gaitza behakin itzuli;
Haurra bazayane bota harriari
Ez hazala nihork izan urrikari!