Sub tuum praesidium

Urtsuia

 Zure babesera gatoz gu igesi,

 Iaingoikoaren Ama ta alaber gurea;

 bear-orduetan dizugun eskea

 eztezazula zuk erdeinuz iraitzi.

 Ikus zenbat etsaik inguru esetsi

 ta larri gauzkaten ­auxe galbidea!

 gu iaregitera laster atoz ea,

 betiko Birjina eder ta goretsi.

 Zu gure Etxandere, gure Bitarteko,

 Iaunaren aurrean zu gure Mintzaide

 beti gertu gure alde agertzeko.

 Zure Semeari goraintzi gaizkatzu,

 egiguzu Seme ori adiskide,

 zure Seme orren aurrera gaitzatzu.