¡Agur, Axular!
Anabi
Ona zeñen gogoz dakartzudan nik
ezin politagoko lorea;
ar ezazu euskatzale on, maite,
artu Sara'ko erretorea.
Zure zarrean arinki ibilliaz,
biotza gazte, gartsu ta bero,
gure aintzinean zijoazela
egin zenuan "Geroko gero".
Zu udazkeneko orbel zat zimela ta
gu kimu berriak izan bear,
urteaz atzetik begiratuta
agurtuten zaitugu Axular.
Lan ederra egin ta joan ziñan
ixilik idazle nagusia
¡gizaldi betiko euskaltzaleek
idoro dugun urreta aundia!
"Gero"-an ezagutu zindugunak
"Gero"-an zauzkagu orain ere,
ezin iñork sinistu illa zeranik
beti berdin-berdiña bai zaude.
Jaungoikoak eman zaitzala Argia,
eman zuri betiko osasuna
ta ospa dezagun euskaldun onak,
ospatu "Axular-en eguna".