Solferino
1
Harmen hartzerat deithu ninduen gazterik zorte etsaiak
Urrundu nintzen, herri alderat itzuliz usu begiak,
Itzuliz usu begiak.
2
Zorigaitzean baitut ikusi Solferinoko begia!
Alferrikan dut geroztik deitzen iguzkiaren argia
Iguzkiaren argia.
3
Nihoiz enetzat ez da jeikiren goizeko argi ederra,
Zerugainetik nihoiz enetzat dichtiraturen izarra.
Dichtiraturen izarra.
4
Betiko gaua, gau lazgarria! begietarat zait jautsi:
Ene herria, ene lagunak nihoiz ez behar ikusi.
Nihoiz ez behar ikusi.
5
Ene amaren begi samurrak bethiko zaizkit estali,
Maitenoaren begi tarteak behin bethiko itzali,
Behin bethiko itzali.
6
Larrainetako haritz, gaztaina, mendietako ithurri
Horiek oro enetzat dire amets histu bat iduri,
Amets histu bat iduri.
7
Ene herrian, plazara lagunak kantuz plazara dohazi,
Eta ni beltzik, etche zokoan... irri egiten ahantzi,
Irri egiten ahantzi!
8
Oraino gazte, gogoz ez hoztu, eta biziak lotsatzen,
Dohakabea! zer eginen dut Jaunak ez banu laguntzen
Jaunak ez banu laguntzen?
9
Ai, aski hola! Jainkoa barkha! begira zure haurrari,
Kontsolamendu zerbeit emozu; noizbait duzun urrikari,
Noizbait duzun urrikari!