Sixit insipiens (XII'garren salmua)
"Eztago Yainkorikan"
dio zentzugabeak
bere biotz barnean.
Usteldu, galdu dira,
ibillera tzarretan
basaturik dabiltza;
ongia dagienik
eztago gizartean.
Yainkoak ortzi goitik
lurrera egin du so,
gizonetan zintzorik
edo Yainko-zalerik
ote den ikusteko.
Oro zeartu dira,
makurbidez dabiltza;
eztago, ez, gizonik
ongia dagienik;
bakartxo bat ere ezta.
Ea al dute zentzurik
tzarkeria-egillek?
otamen bat iduri
ari zaizkit iresten
nere erri maite ori;
eztiote Yaunari
bat ere dei-egiten.
Izutzeko biderik
etzegoen tokian
izu-beldurtu dira;
zintzoen askazian
baitago gure Yauna.
Gizon txiro gaxoen
xedeak oaragarri
nai dituzue yarri;
alferrik! Yauna bera
baita aien estalpea.
Ai nork lemoken gaiska
Sion-dik Israeli!
Yaunak, etsaien pean
dagoen bere erria
askatzen duenean,
Yakob alaituko da,
Israel poztuko da.
|