Euskal Telebista
Rezola, Ramon
Promesa onak entzunagatik
aspalditikan hasita,
kezkaturikan gaia honetaz
nabarmen gaude jarrita,
harritzekoa batere ez da
bera urrun ikusita,
beharrezkoa zaigunez gero
orain! euskal telebista.
Berehalaxe azal dadila
pentsamoldean duguna,
zerbaitegatik Ama! euskara
betidanik da kuttuna;
iragarpenen ondorioaz
bai etorkizun iluna,
euskal herria euskara gabe
ezin izan euskalduna.
Agintarien joerarekin
nola? alaitu bizitza,
irratietan da telebistan
ukaturikan hizkuntza,
hau konpontzeko asmorik gabe
alper-alperrik gabiltza,
bestela berriz badatorkigu
euskararen heriotza.
ĞDiglosiğ mailan hainbeste urte
daramagu bizkarrean,
hala ta guztiz jendetza dabil
oi patxara ederrean!,
konturatzea nola? pentsatu
telebistaren aurrean,
erdara hutsez ikusi arren
hau! euskaraz beharrean.
Urte berrian izango dela
hauxe dugu agindua,
entzundakoan bat jartzen baita
itxaropenez galdua;
gezurra bada euskararentzat
benetako ahuldua,
egia bada indar aldetik
izango da ugaldua.
Hasieratik onar liteke
ordu batzutan emanez,
pixkana-pixka goruntz joanik
engaiaturik eginez:
emankizunak geure hizkuntzan
soilik gainera beharrez,
lehen bait lehen etor dedila:
EUSKADIREN ZORIONEZ!