Eiztarien bizitza
Rezola, Joaquin
1)
Eiztarien bizitza
nai nuke aitatu,
ta onak zeratenak
gaizki au ez artu.
Egia esatea
ez baida pekatu.
utsegingo ba-nuke,
mesedez, barkatu.
2)
Ondo praparatu da
aurretik asita
amar kaja kartutxo
ditu erosita.
Lorik ere eziņ egin
gauz au ikusita,
Kastilla dagoela
eperrez josita.
3)
Zai dago noiz baņo noiz
"beda" irikiko,
kamaran ez du tokirik
aurrera eukiko.
Ezta ere bazkaltzeko
bakallauik jarriko,
baņan ez da egun ori
errez etorriko.
4)
Iritxi da eguna
noizbait zorionez
autobusa bete ere
amar egun aurrez.
Jendea osatzen da
ontarako errez
geiago joango ziran
baņan lekurik ez.
5)
Emendik irten dira
txoraturik pozez,
amarna eper ekartzea
pentsatuta aurrez.
Baņa ori ez da izaten
uste beziņ errez,
batzuek bat edo bi,
geienak baterez.
6)
Eguna zabaltzerako
artu eskupeta,
kartutxera ere bai
gaņezca beteta.
Mendira ba-dijoa.
presaka eperreta
naiz gero baterez bota
kartutxok erreta.
7)
Goizean asi dira
eperrak kantari,
zer poza ematea dion
eiztari onari.
Gaixuak aitzeko daude
tiro zar ugari,
esker danak ez diotela
tiratzen berari.
8)
Eperra altxa zaio
bi metro barruan,
oso gutxi palta zun
jotzeko buruan.
Bi tiro botagatik
ederki zan juan,
zer esango zun lagunak
ikusi ba-zuan!!
9)
Kotora sartu da ta
guardak du ikusi,
eizean okerrago
ezin leike asi.
Bera ondoren zuela
ba-zijon igesi,
lar baten trabatuta
jo ea galtzak ausi.
10)
Larri artan pasa ditu
zulo eta murko,
etzuen aibeste bildur
beņere pasauko.
Ta etzion aldegiņ
berak nai orduko,
ezta ori berriz errez
kotoan sartuko.
11)
Beņere ez nun ikusi
alako eper pilla,
asko xamar jo eta
amarren bat milla.
Oiek danak bizirik
nik batere ez illa
Jainkuak ala nai ba-zun
ala izan dedilla.
12)
Eguardian bildu da
bere lagunakin,
gezurra moldatu ere
abildadeakin.
Bi eperrak aldein ziek
egats ausiakin,
atsalden ibiliko al-nauk
suerte obeakin!!
13)
Atsaldean berriro
ekin dio trebe.
ez baitu etorri nai
eperrikan gabe.
Azkenean ezta egin
eper baten jabe,
etxean gelditu balitz
ez al-zuen obe?
14)
Ainbeste ibili ta
buruik ezin altxa
batak besteari dio:
"Auxen ez dek martxa".
Nik daukaten famakin
joan bear atsa,
besterik ezin bada
eman zagun matsa.
15)
Matsa erostea jun da
eperrak ikusi,
etsaia tentaketan
zitzaioten asi.
"Eperrik gabe joatea
ez al-dek itxusi?",
askoz obea dezute
batzuek erosi.
16)
Etxera ba-datozte
guztiz oso zoro,
aldamenekuak ere
antz eman apuro:
"Eper oiek erosiak
dituk ik seguro,
bakoitza ordaindu dek
dozenan bat duro".
17)
Ederra entzun zuen
aurreneko saion,
batere ez det uste
egin zionik on.
Koloreak ederki
gorri zitzaizkion,
gaizki dabillenari
zer gertatzen zaion.
18)
Eiztari izatea
da gauza laburra,
kartutxo erosteak
ematen bildurra.
Txakurra ere mantentzen
etzegok xamurra,
opizio orren jabeak
laixter joko dik lurra.
19)
Kalte aundiak ditu
gaurko eiztariak.
Ibillaldi txar asko
ta gastu aundiak.
Ikusi egin bear dira
oien izerdiak,
merkeak ezin atera
oien eper, erbiak.
20)
Nere konsejua azkenik
entzun nai ba-dezu,
eskupetarik eskuan
geio artu etzazu.
Erostunik iņon bada
azkar saldu zazu,
txatarrera bota ta ere
kontua daukazu.
|