Nere ama

P.E.

 1

 Nork nu hazi bere bular eztiaz,

 Hupatu lokar-arazteka lehiaz

 Besarkatu bere amodio guziaz?

 Zuk, nere ama.

 2

 Lo egin-eta erne iratzarturik,

 Nork zautan, laster altzoan harturik,

 Kantatzen goxoki, burua kurturik?

 Zuk, nere ama.

 3

 Nork daut-debotki erakutsi otoitza,

 Nola Jainkoa nere ahal guziez maita,

 Zeruraino heltzeko zer bide hauta?

 Zuk, nere ama.

 4

 Geldi nitakea zure maitatzetik,

 Zuri ospe eta laguntza emaitetik

 Ni horrela maitatu nuzunaz geroztik,

 Oi nere ama.

 5

 Ez, sekulan! Gogoetak berak nu lazten.

 Bainan Jainkoak badu hala on-hartzen,

 Gogotik higaturen niz zure artatzen,

 Oi nere ama.

 6

 Xahartuko zirenean eta ezinduko,

 Sokorri bat izanen niz zuretako,

 Oinazeak nekez baitzaizkitzu hurranduko,

 Oi nere ama.

 7

 Izarrez gorago dagoen Jainkoak

 Zorrotz ditzadaia igor behakoak

 Sekulan baderraitzut ele gaixtoak,

 Oi nere ama.

 8

 Hit tenorean, nere ama maitea,

 Zoin mina daite nere atsegabea!

 Hain labur baitzait zurekin bizitzea,

 Oi nere ama.

 9

 Bainan zerua sekulako saritzat

 Dukegula biek dadukat segurtzat,

 Andre Dena Maria bera bermetzat,

 Oi nere ama.