Nere ama
P.E.
1
Nork nu ni bere bulhar eztiaz,
Hupatu lokhararazteko lehiaz,
Besarkatu bere amodio guziaz.
Zuk, nere ama.
2
Lo egin eta erne iratzarturik,
Nork zautan, laster altzorat harturik,
kantatzen gochoki, burua khurturik?
Zuk, nera ama.
3
Nork daut debotki erakutsi othoitza,
Nola Jainkoa nere ahal oroi maitha,
Zeruraino, heltzeko zer bide hauta?
Zuk, nere ama
4
Geldi nitakea zure maithatzetik,
Zuri ospe eta laguntza emaitetik,
Ni horrela arthatu nuzunaz geroztik?
Zu, nere ama.
5
Ez sekulan! Gogoetak berak nu lazten.
Bainan Jainkoak badu atsegin hartzen,
Gogotik higaturen niz zure arthatzen,
Zu, nere ama.
6
Chahartuko zirenean eta ezinduko,
Sokhorri bat izanen niz zuretako,
Oinhazeak nekez baitzaizkitzu hurranduko,
Oi! nere ama.
7
Izarrez gorago dagoen lainkoak
Ditzadala igor zorrotz behakoak,
Sekulan baderroitzut elhe gaichtoak,
Oi! nere ama.
8
Hilen zirenean, ere ama maitea,
Mina da izanen ene atsegabea,
Laburregi baitzait zure oizitea,
Oi! nere ama.
9
Bainan zerua sekulako saritzat
Duzula ukhanen dadukat segurtzat,
Andre dena Maria bera bermetzat,
Oi! nere ama.