Haurtxo ttikia

P.E.

 1

 Haurtxo ttikia nigarrez dago:

 Ama, emozu ttittia!

 Aita gaixtoa tabernan dago,

 Pikaro jokalaria...

 2

 Aita jokoan, ama lanean,

 Oi planta nigargarria!

 Eskerrak zuri, lore pollita:

 Argitzen duzu etxea...

 3

 Arnoa edan, diruak xahu,

 Horrela dabil aitatto;

 Jainko maitea, urrikal gutaz:

 Lagun ezazu amatto.

 4

 Nehoiz aitatto xintxotzen bada,

 Etxen oi besta handia:

 Nik orduantxe bai ekarriko

 Zapeta pare berria...

 5

 Orai begiak arras zabalik

 Ari naiz ametsetarik:

 Aitak eltzean zure papattak

 Xitxi ordez sartu dauzkit.

 6

 Joko gaixtoa, joko zikina,

 Nundikan hauku sortua?

 Nere Periko senhar maitea,

 Hik dautak hola galdua.

 7

 Ama gaixoa hainbertze lanez

 Horra nun zaikun hondatu:

 Halere aita alfer txarrari

 Etzaio tuntik dolutu.

 8

 Nigarra merke, bihotza triste,

 Nehun ez bozkariorik;

 Ama zerurat joanez geroztik

 Nehork ez amodiorik.