Uxoa sarean
P.D.
Sortu naiz iparrean udaren astean,
uxokume bakarra oatze balean:
aitamek naute azi lumatu artean,
zoriona gozatuz irurek balean.
Mundurat agertzean billuzia nintzen
amattok egalpean ninduen berotzen:
azkurriaren billa aitamek zebitzen:
¿nork erran ni ttipian zenbat gosta naizen?
Gaztegi nuen egin oatzetik yausi,
lagunen sinisteak daut egin arazi;
sasirat erortzea nuen irabazi;
amaren biyotz-miña ordutik zen asi.
Orai sare unetan nago atsemana,
ezin itsulik egin, au duk ene lana!
sarean illen dala, badaukot errana,
etxe-urrun dabillen amaren laztana.