Gau berean sorthu bi haurrer
P.B.
1
Bi haur pollit maitagarri, Jatsun ditut ezagutu
Berehala, soin orduco, bihotcetican maitatu.
Nahiz jakin nungoac ciren berer nioten galdatu
Erran zautaten: Gau berean Baïgorrin zirela sorthu.
2
Egia da haur horiec biac dire Baïgorrico
Batto Erguiren alaba, bertcia Bergouñaneco
Horien aitec hartu zuten egun bena ezcontceco
Jocatu ere bazcari bat zoin lehen cen aitatuce.
3
Egun berian ezcondu, aitatu egun berian
Bi haur eder sorthu ciren bi ametaric batian
Elgarrekin giristinotu batheioco ithurrian
Jincoac ceruan ezarri bien icenac aldian.
4
Begiac beltz, bilo luce, gerruntcelaric lerdenac
Sorthuz geroz badoatci escutic escu emanac
Batec bertcea besarcatuz baderamazte egunac
Ez dakienac uste luzke sabel berean egonac.
5
Elgarrekin in zazue lehen communionea
Eskuz eska har zazue mahi sainduco bidea.
Egun berean errecebi Jesusen gurphutz maitea
Besta hartan nic nahi nuke hunki Baïgorri aldea.
6
Lili fresco baten pare athiki bici onduan
Zuen berthute ederrez ezagutuac munduan
Ezcont zaitezte ene haurrac, biac aldare berean!
Nun ez duzuen nahi sarthu elgarrekin comentuan!
7
Bicitce luce, uros bat, lurrean ereman eta
Nola hiltceco arrasta denentzat emanic baita
Zuentzat othoizten dut orai ceru goretaco Aita
Heriotcea igortcean, egun bena dezan hauta.
8
Besos beso, begiz begi elgarrekilan biciac,
Jinco Jaunac ez ditzazke barrea zuen eskiac
Ez zaituzte separatuco ez eta heriotciac
Ceruan yarrico zirezte tront berean bi-biac.