Egun handia urtarrilaren
Pujana, Basilio
Egun haudia urtarrilaren
hogeitabat garrenean
bertso famili elkartu ginen
Bitoria Eugenian
Hegoalde ta Iparraldea
maitasun beroenean
ja igarota nire bizitza
zerbait baretu denean
esker beroak emon nahi dodaz
Bizkaiaren izenean.
Bertso zaleak txalotu nindun
jaso hainbat bertsolarik
orain nik ezin gehiago egin
eskerrak emon besterik
baina munduan ez dogu inork
zorion alai osorik
bada askorik ez eben egin
Arrati ta Zeanurik
baina nik ezin inola itxi
inorbe eskertu barik.
Idazlariak trebeak doguz
bertsolaritzaren alde
M.A. eta Garmendia ta
Basarri ta Aranalde
beste askoren artean berriz
tele ta radio talde
urre gorriaz apaindu dausku
Bertsolarion sorkalde
zuek egina bertso batekin
ezin ordaindu debalde.
Bai Etxalur egi bikaina
zuk bertsotan dinostazu
horrenbestera ez da sakontzen
zertxobait argi ez duna
gure Jainkoak emona dogu
bakoitzaren altasuna
eta munduan danok dogun lez
egin behar bat astuna
handiena da altasun horri
emotea erantzuna.
Poz atseginez ikusi eben
argitan nere begiak
bertsolaritza aupatutzeko
aurretik agintariak
baita izkindu bertsolariei
izugarrizko sariak
jaunari esker gaur egun ere
badaukaz gure Herriak
antolatzaile, agintari ta
entzule agurgarriak.
Gaztetxotatik gure bertsoa
beti izan neban maite
baina inoiz be ez nintzan izan
omen bat hartzeko beste
nik egin neban omena hartu
ta betiko zorrez bete
anai-arrebok bihotzez dinot ta
seguru egon zaitezte
zor hau ordaintzen saiatuko
naiz azken arnasera arte.
Egun handi bat igaro neban
anai-arreba artean
eta betiko euko zaituet
bihotz barruko golpean
baita eskertu euskaldun danok
bihotza bete betean
ea guztiok elkartzen geran
berriz datorren urtean
nik behintzat agur egiten dot ja
neu joateko uztean.
Datorren urtez omentzekoak
Iraola ta Goiburu
bi hauek dira aurten hautuak
egun handi honen buru
zuek izango zarie Jainko
ta gu guztiok aingeru
aldi estua da hori baina
egon zaitezte seguru
zuen anaien eskolta ona
izangozue inguru.