|
Euskara
Portuondo
Gure herri zahar honek
du mila nahigabe
du mila nahigabe
izan nahi duelako
buruaren jabe,
ez espaņol eta ez
frantsesen mirabe
hartako gauz batez
jabeturik gaude:
Ez da Euskal Herririk
euskararik gabe.
Euskara hedatzeak
du hainbat arazo
du hainbat arazo
eginahalak eginda
ezin dugu jaso.
Bada gure artean
hamaika pailazo
Euskara jakinarren
damaionak paso.
Geuk mintzatzea ez al da
lehena akaso?
Erdarak du Euskara
korapilo baten
korapilo baten,
jai dugu ez bagara
borrokatzen hasten.
Epelkeriak utzi
ta errukia ken,
ez da mindu gabe
sendatzerik hemen,
Nanahi euskaraz mintza
molestatuarren.
Euskarak biltzen ditu
Hego ta Ifarra
Hego ta Ifarra,
Nafarroarekin bat
nazio bakarra.
Hortik ezagutzen da
gure herri zaharra,
bertatik datorkigu
jarraitzeko indarra.
Kukurrukuka laister
da euskal oilarra.
Zenbait eritzimodu
da gure artean
da gure artean,
porru ta metraileta
guztiak nahastean.
Ez da-errez juzkatzen
hain gai tiranteak,
baina Euskara xede
dugun bitartean,
ziur nago ez goazela
Euskadin kaltean.
Borroka luze baten
gabiltza tiraka
gabiltza tiraka,
Paris, Madri ta Gasteiz
matrakaz-matraka.
Herri menperat hau
nahi badugu aska
bat egin behar dugu
etsaiaren aurka,
hortarako indarrik
euskarak badauka.
Gaurko martxan Euskara
galduko da laister
galduko da laister.
Derrigortu gaberik
egin al da ezer?
Ez al zuen ba Francok
euskal eskema ler
eskoletan erdara
sartzeari esker?
Euskal hezkuntza Babe
behar dugu oker.
Euskara hutseko irrati
eta telebista
eta telebista,
herirako iadanik
behar da konkista.
Gehiegia da erdal
telesaio lista
Euskarak duenean
ateak itxita,
Euskal kultura euskaraz
egin behar baita.
Euskaradunak gara
miloi eta piko
miloi eta pika;
ez dugu zertan bizi
beti belauniko.
Erdal zurrunbiloak
nahibagaitu ito
jasoko ditu bueltan
pilo hat ostiko,
gertatuak gertatu
euskaraz ta kito!
Euskara da arantzak
dituen arrosa
dituen arrosa,
osotasun betean
ezin inoiz goza:
alderdi batetikan
zeru bete poza,
praktikari loturik
bakarrik kaosa.
Ai, gure ama Euskara
noizko zure boza!
|
