Iparragirrekin koplari
Amuriza, X.
Iparragirre hil zela dator lehenengo mendera
hil zela baina piztu da eta hona hemen bera
Eta hona hemen bera dator lehenengo mendera
besteok ere pizteko hiltzekoak omen gera,
Urretxun nire omenez
Urretxun nire omenez
festa handiak zirenez
etortzea pentsatu dut
Jaungoikoaren baimenez
festa handiak zirenez
Urretxun nire omenez.
Ehun urte igoten eta urrun dago mendi gaina
zorionez piztu zara ez zenun hil behar baina
Ez zenun hil behar baina urrun dago mendi gaina
ez dakit baden haizerik berriz ez hiltzeko aina.
Nik uste nuen arnasa
nik uste nuen arnasa
hartuko nuela lasa
zertan arraio duzue
mende luze hori pasa
hartuko nuela lasa
nik uste nuen arnasa.
Mende hori pasa zaigu argi gehiegirik gabe
zure amets handietan oraindik lehenean gaude
Oraindik lehenean gaude argi gehiegirik gabe
laster esnatuko zara baldin bazatoz logale.
Istilu txarren bat jasan
istilu txarren bat jasan
behar al dut neure plazan.
hortako aukera opa
ifernuan ere bazan
Behar al dut neure plazan
istilu txarren bat jasan.
Ifernutikan al zatoz arima galduen gisan
ez al zinen, ba, zeruko oilar nonbratua izan.
Arima galduen gisan oilar nonbratua izan
euskaldun batentzat hori nonbait gradu gehiegi zan
Aingeruak biltzen ziran
Aingeruak biltzen
nire kantuen desiran
baina San Pedrok etorri
ta kitarra kendu zidan
Aingeruak biltzen ziran
ta kitarra kendu zidan
Kitarrarik gabe ere etor zintezke lasai zu
berria emango dizut jotzen ahaztu ez bazaizu
Jotzen ahaztu ez bazaizu etor zintezke lasai zu
kitarrarik gabe ere berdin zara gure maisu.
Kitarra zen nire dama
kitarra zen nire dama
Euskara zen nire ama
bat galdu arren besteak
nire arima darama.
Euskara zen nire ama,
nire arima darama.
Euskara diozu baina gauzak daude nahiko estu
zu hil zinenetik hona itxura hoberik eztu.
Itxura hoberik eztu, gauzak daude nahiko estu
kitarra hori jotzeko behar dira zazpi esku.
Ehun urte direla bete
ehun urte direla bete
oraindik hor al zaudete
euskara gabe piztuta
berriz hilko nintzateke
Oraindik hor al zaudete
berriz hilko nintzateke.
Hiletak utzita goazen dantzan mutil eta neska
zu behintzat bizirik zaude eta hori gutxi ezta
Eta hori gutxi ezta dantzan mutil eta neska
zuretzat egina da ta pasa zazu ongi festa.
Hila nintzela diote
hila nintzela diote
festa hauek piztu naute
ez noa beste mundura
hanka biak galdu arte
Hila nintzela diote
festa hauek piztu paute.