Abenduan orzantzak
Piarres
1
Abenduko goizņo hatez, Maouleko bidean,
Erbi hat ikusi nahiz, Pochin borda aldean,
Sudurra gorririk eta hotza larru barnean,
Beha nintzen ene chispa besoaren gainean.
2
Pottengoak, marrumaka, landetarik ageri;
Ziotela: Erbi yauna hemen da izan berri;
Lasterka partidaņo bat hasiren dugu sarri;
Ihistariak daudela oro begi beharri.
3
Ber demboran, kurrunka bat hurbildik dut entzuten;
Hesiaren gainetik nik, buruya aitzinatzen;
Iratzezko ohantze bat, hertzaldian ikusten;
Bi guarda, lo gozoki, nausiz ziren burlatzen.
4
Chakhurrek champa, kainska; guardek aldiz: Ku! ru! ru!
Hauk ez dira ichilduko, karatcho! mila debru!
Batek hati, hain sarri du, erraiten: Landaburu.
Atzar adi; kapitaina, hortchetan duk haiduru.
5
Lagun horrek egiten tu bost-pa-sei aharrausi,
Sudur huste, urzintz, eztul, hasi bazen zen hasi;
Errayetaraino zuen gorputza inharrausi;
Holako tarrapatekin nork erbia ikusi?
6
Azantz hok badire zerbeit, bainan aski ez ditzu;
Ondar kolpe handiena oraino falta duzu.
Adiskidea, zuk ere, hauchet adi ezazu:
Terrr! Terrr! Pan! Poum! Pan! Pan!... Orai satisfos gitzu.
7
Orzantz horik entzun eta, erbiak gibelerat,
Iziturik, eman zian Maouleko alderat;
Larrondo erre beitzagon, soz ithurri biderat,
Boum! erbia hark ezari hatzez gora lurrerat.