Agour Ziberoua.

Pette-Chibero.

 1

 Agour dereizut, Ziberoua,

 Ene sor lekhu maitia,

 Ejerra bezain araroua,

 Eskualdetarik haitia!.

 2

 Zeluko Kreazale Jaunak

 Nahi ukhan zutu ejer,

 Ejer zoure mendi oihanak,

 Zoure elgiak halaber!

 3

 Zibero, bortien hounetan

 Gochoki zira hedatzen:

 Bortiak chouri elhurretan

 Eta zu hasi berdatzen.

 4

 Goure Ziberoko mendiak

 Aberats dira hour hounez;

 Bazkaz ere hain phentziak,

 Haien kukulak, oihanez.

 5

 Mendi berdez besarkaturik

 Gizen, erditan, elgia,

 Zeliak berak mouldaturik,

 Zibero, zer laketgia!

 6

 Uhaitza zalhe badabila

 Alhor gizenen artian.

 Jauziz herrichkatik herrila.

 Kasu khechatzen denian!

 7

 Soizu herrichka zombeit, hortchek,

 Elgian herrekaturik!...

 Beste zombait, mendian, hantchek,

 Zuhanez unguraturik!

 8

 Ikhousi dut bazter ederrik,

 Itchaso bai eta bortu!

 Ziberoua zeit orotarik

 Gehienik agradatu!