Frantsesaren idea...

Xenpelar

 1

 Frantzesaren idea

 beti aldrebes

 gaur lau baldin baditu

 biyar baterez;

 aragiya len eltzian

 belar billa baratzian,

 kardaberak jate dituzte

 dirubak aitzian.

 2

 Arakiña daukate

 taya etxian

 franzesak pagatzeko

 kinzena artzian;

 Ia betor egun ura

 pagatzeko milla duda;

 badakite nola egin

 gorputzai kura.

 3

 Polaiñak badituzte

 arrua biña,

 lepuan gorbata ta

 brusa urdiña,

 galtza plana barratuba

 alkandora loratuba

 zapela ta relojuba

 gutxi pagatuba.

 4

 Lengo egun batian

 zan komeriya,

 bat putzura erori ta

 itozan iya,

 iru txiki sobre dana

 ura tira beregana,

 Antoniok izandu du

 ateratzen lana.

 5

 Lonjinos'ek au ziyon:

 -Ez juan billa,

 frantzesa baldin bada

 ito dedilla.

 Antoniok juan ta eldu

 etzuen nai iñor galdu

 jendiak gaizki esango zu

 atera ez balu.

 6

 Oyen relijiyua

 Juduben gisan;

 konfianza txiyiya

 dute Elizan,

 itz batian bukatzeko

 gogorik ez an sartzeko

 bildur dira erorita

 azpiyan artzeko.