Mitxarkoneko Joxe Antonio Segurolari
Pello, Paulo-Eneko
1
Hil-kanpaiak Agiñan
negarra dario
«gizon on bat joan zaigu»
tristerikan dio.
Mendizorrotzek goitik
erantzuten dio,
despeditu nahi dute
Joxe Antonio.
Lagunen izenean
nik ere adio.
2
Begi aurrean daukat
erribera aldean,
atxurrean,goldean
edo besabean
«Rubiok» lagunduta
mandoan atzean
beti're irrifartsu
neke latzenean.
Asko ikusi al zen
jenio txarrean?
3
Gazteen aldekoa
beti izan zera
pozik etortzen zinen
gu ginen partera.
Oilasko biltzen ere
eguerdi aldera
gustora gindoazen
bai, Mitxarkonera.
San Praixkutan zurekin
oroituko gera.
4
Tokatu zitzaizkizun
egun beltz saminak
seme baten hiltzeak
sortzen ditun minak.
Ondo dakizu zenbat
maite dun Agiñak
ixtimatzen bait ditu
haren ahaleginak:
Joxe Luixi zuk eman
gure eskuminak.
5
Badira zenbait urte
hura falta dala
bonba maltzur harekin
leherturik hil zala.
Esaiozu lagunak
ahazten ez gerala,
etsaiak uxatzeko
nola edo hala
Herriaren borroka
aurrera doala.
6
Ezingo dugu ahaztu
nahiz hilagatikan
zure aurpegi hura
behin batez «Korrika»n.
Bazoaz neke-minak
hemen utzirikan,
bizitzak ez bait dizu
izan kupidikan.
Agur! zatitu zuten
Agiña hontatikan.
|