Puertoko ETA (M) presoak
Giza moduko arlote batek
aipatzen gaitu maizegi
guk ere noizbait erantzutea
ez da izango gehiegi
gizon bakarrak nola arraio
litezke hamar aurpegi
egindakoaz ez gara damu
iraultzan nahi dugu segi
gure aurka hor zertan zabiltza
zu Ioseba Elosegi.
Hainbat urtetan gure herriak
onartu du zenbait neke
aldamenetik zure moduko
batzuk nahiz saldu hain merke
zeuk diozunez noizbait tiroka
jarduna zara jo ta ke
orain etsaiak lagun arturik
zabiltz pakearen eske
zu zaren bezain gudari fina
zakurrak izan litezke.
Joan dan urtean seinalatuaz
Otsailak hogeitahiru
Tejero zaharrak bere ustetan
handiak egin dizkigu
aurretik inoiz ez ginen egon
orduan bezain gaizki gu
etxetik alde zutela askok
zeu izan zinen testigu
zuk etzenduen gorde beharrik
hori ederki dakigu.
Burugabeko traidore hiltzaile
deitzen diguzu guri
zu baino gizon hobea pranko
hil delako al da hori?
edo Madrilgo ustelkerian
ez garelako erori
zuk pakez bizi nahi duzu orain
nahiz hainbat odol ixuri
ez lotsik eta ez nortasunik
etzaizu gelditzen zuri.
Armak uztea derizkiozu
guk irteteagaitikan
gudari hilak ongi ahaztu
dira zure politikan
guk espainiako gobernuari
ez diegunez zorrikan
Askatasunen truke ez dago
ezertxo zer emanikan
eta ez dugu zuk egindako
tratu ustel beharrikan
Zuk aipatzea lotsagarri da
gure sendien negarrak
guraso eta seme alabek
daduzkaten ezbeharrak
galdetu gabe ongi dakite
nortzuk diren etsai txarrak
Judasen-gisa diruen truke
hor zabiltzaten bakarrak
beste asmorik ez daramato
Madrilgo zuen bakarrak.
Francon garaian zure ekintzaz
beharrik oroitzen gera
atorrari su emanda salto
frontoian goitikan behera
gorputz guztian jantzi zenduen
erre ezin zen papera
gazterik trebe ikasi arren
pailasoaren karrera
Euskal Herrian grazirik ezin
egin hemendik aurrera.
Aspalditxoan ongi dakigu
ez garela bizi lasai
bainan ez dago egoterikan
lanak besterek egin zai
Abertzaleak maite gaituzte
ez gara inoren salgai
zu herriaren etsai bat zara
gudariena ere bai
ETA Euskadi askatu arte
guk ez dugu pakerik nahi