Plagio Potagio VI: Bi poema

 I

 ene buru sapaia

 udazkeneko jardina

 ene kaskoa

 diganteen ping-poia

 ene sudurra

 marrubi-mizpira mazedonia

 ene ezpain gaina

 hortz eskubila

 ene ahoa

 parnasoko irteera

 ene lepondoa

 bi idiren uztarria

 ene bizkarra

 itsasgabeko hondartza

 ene titiak

 zirkoko nano lizunak

 ene gerria

 ekuadorraren zinta

 ene zilborra

 kongito txokolatezkoa

 ene iztarrak

 bizki potolo-potoloak

 ene sabelpea

 mato-goxoa

 II

 etxera sartu bezain laister zapata lokaztuak kendu eta za-

 patila bero etxetiarrak jantziko ditudala

 ipurdian eta sudur zuloetan hatz egiteko gogoari eutsi

 eginen diodala bakartasunean eta ilunpean izan ezik

 lapurtera klasiko eta gipuzkera jatorrezko autore guziak

 goitik behera irakurriko ditudala

 moja kolejioetako neskatx adolezenteen aurrean uniforme

 grispeko konkor hanpaduratsuetan erreparatu gabe pa-

 sako naizela

 herriko erretore jauna arratsaldeon gizalegetsu batez

 agurtuko dudala

 eguraldi lanbrotsua izanez gero goardasola hartuta kale-

 ratuko naizela

 musuak behar den lekuan ez beste inon emanen ditudala

 jaungoikoa gauza guzien gainetik eta lagi zaarra ene bu-

 rua hainbat maiteko ditudala

 zin dagit

 hankartetik pasatzen dut