Ikastolako imetxoari
Oyarbide, Florian
1
Goizean jaiki zera oietik,
ase ote zera loaz?
Jaunari otoitz egin diozu
biziro asmo sendoaz.
Begiak argi, biotza alai
ta itxaropen osoaz
pozez irritan jarri ondoren
amaren laztan gosoaz,
liburutxoak eskuan artu
ta ikastolara zoaz.
2
Umetxo maite, zu ikusita
jartzen naiz ain biotz bera
negar malkoak erteten zaizkit
bi begietatik beera;
bedeinkatua izan zaitea
Jaunak zerutik lurrera,
zoaz bai zintzo ikastolara,
zoaz asko ikastera,
itxaropen bat sortzen dit orrek
biziko dela euskera.
3
Len ikastolik etzan garaian
zer egoera ergela
gure izkuntzak, bazirudien
udazkeneko orbela;
baiņan ekaitza pasa ondoren
orra eguzki epela,
nola ez da bat pozez jarriko
zu ikusita orrela,
euskerarentzat kimu berria
indarrean datorrela.
4
Umetxo maite, euskal jardiņak
dira oso dotoreak,
olakoxeak egin baizitun
zeru ta lurren jabeak;
mundu guzia jirata ere
nun billa leizke obeak?
ta batez ere sortzen badira
zu bezelako loreak,
oraindik ere esan liteke
ez dula egin gureak.
5
Andereņoak erakustea
du bere eginkizuna,
eta zuk berriz arretaz artu
berak esaten dizuna.
Ikastolako guziok landu
eta lortu batasuna,
bide garbia gora jasota
ankaperatu lizuna,
Euskal Herriak, zuekin dauka
geroko etorkizuna.
6
Senabide bat bilatzen saia,
gogor egin ekaitzari,
zori txarrean lur maite honek
supritzen duan gaitzari.
juramentua egin zaiozu
Gernikako zugaitzari,
erori gabe zutirik eldu
guraso zarren itzari,
eta orrela izango zera
erriaren serbitzari.
7
Umetxo batek bizi bear du
etorkizunaren pozez,
ta euskalduna zeran ezkero
askatasunaren gosez.
Gure bizitza osoa doa
gose ori ezin asez,
naiz ta bidea itxita egon
gogor ta oztopo latzez,
itxaropenik ez galdu eta
jokatu biotz biotzez.
8
Euskaldunaren odol gorria
daramazula zaiņetan,
lan egin zazu euskal girora
eta erriko gaietan;
ortaz gaiņera pakezalea
izan zaitea benetan,
zure biotzan sentimentua
badago gauza oietan,
eusko izarrak argi egingo
dizu alde guzietan.
