inprimatu
Zaldi zaharra
Izenburua:
Zaldi zaharra
Sinadura:
Otxalde, Joanes
Urkizaren iruzkina:
Egilea(k):
Otxalde, Joanes

Argitalpena:
Escualduna.(Eskualduna).
Urtea:
1890
Argitalpenaren urtea:
4
Alea:
159.zk.
Orrialdea:
4

Zaldi zaharra

 

Oxalde, Jean-Baptiste

 

 1

 

 Hemen gaude hitz hartuyak

 Komplitu nahiz botuyak

 Zaldi zahar famatuyak

 Merechi ditik kantuyak

 Kurriturik merkhatuyak

 Ezin egin tu tratuyak.

 

 2

 

 Suyeta dugu Chiletik

 Sudeko Amérikatik

 Zaldi zahar baten gatik

 Deus onik baden eztakit

 Ez daite yeiki lurretik

 Hala yakin dut numbaitik.

 

 3

 

 Saltzalea Eskualduna

 Muthil gazte fanlarruna

 Egin uste du fortuna

 Zeren baitu zaldi ona

 Erostuna da Gaskoina

 Gostako zako fazoina.

 

 4

 

 Zaldia zuen eria

 Aspaldi khendu nahia

 Erran behar da egia

 Triste zuela begia

 Nun nahi den eroria

 Membroz ez daite balia.

 

 5

 

 Orhoituko gira beraz

 Urtharrilaren hamarraz

 Zaldia zagon larru has

 Pherekatuz oihal zedaz

 Muthilak yuan zuen gabaz

 Despegitu ere arras.

 

 6

 

 Gaskoinaren arrangurak

 Ez ahal ziren laburrak

 Orhoitzen zuen malurrak

 Zaldiaren hil beldurrak

 Saltzalearen gezurrak

 Trenkatu dazko hezurrak.

 

 7

 

 Bera miriku ta barber

 Erremedioak alfer

 Kontseilu galdatu bertzer

 Ez tu izan aski laster

 Huna zertaz duen plazer

 Bizi baita yaunari esker.

 

 8

 

 Orai hor da agonian

 Sendatuko da agian

 haurrak yarririk aldian

 Noiz hilen den guardian

 Hiltzen den ordu berian

 Sarthuko dute hobian.

 

 9

 

 Herioa gauza beltza

 Nehork ezin zuzen phentsa

 Behin hautsiz geroz kesa

 Phartitzeko baitu presa

 Botatzean azken hatsa

 Hura da memento latza.

 

 10

 

 Aitaso hasi larrutzen

 Zembait sos behar baitzuten

 Yuramentuka ari zen

 Ilobek oro entzuten

 Nabalak ez tu pikatzen

 Zihoan trabatzen baitzen.

 

 11

 

 Nahi baduk bertzen ganik

 Eman behar duk lehenik

 Zaldiak ez badu yanik

 Ez tik eginen lan onik

 Orai yuana da hemendik

 Abisu hori emanik.

 

 12

 

 Finitu dira tratuyak

 Aitzinean botu hartuyak

 Haur gaichoak dolutuyak

 Kasik nigarrez hurtuyak

 Eta deliberatuyak

 Otchalde emanzkik kantuyak.


inprimatu