Gure ama euskara, hil zorian
Otari
Euskal Herriko Aita eta Ama
Iturburu ta geroa,
Nire etxean bazterturikan
Ni bihar hiltzera noa.
Nire semea nirekin dago
Ni egiz maite nauena,
Beste guztiak aldendu dira
Kanpo giroz eraginda,
Ni hemen hiltzen uzten banauzu
Kanpoko erdal giroaz jota
Hil zorian zaude Euskadi,
Zure hizkuntza maite ez baduzu
Ez duz izenik merezi.
Semea bere ama hiltzeko
Ez da izaten ausarti
Halere isil maltzurkeriaz
Hil zorian naute utzi;
Ni biotzetik maite ez banauzu
Ez duzu maite Euskadi.
Maitasunaren beroan datza
Bizitzaren zergatia,
Diru ta tranpaz ez da estaltzen
Maiteņoaren faltia.
Kapitalismoan bilatzen da
Dirua eta ase nahia,
Sozialismo hutsean ere
Munduaren berdintzia,
Ni biak hiltzen uzten banaute
Non da hemen justizia!!
Tristerik nago goiko sapaian
Dardaraz bizi ezinik,
Eguzkiaren beroa nahi dut
Eta kanpora hemendik!
Oztopo banaiz zure bizitzan
Agurtu zaitez nigandik;
Baina biotzez maite banauzu
KALERATU ni lasterki,
Nire umeak KALEAN daude
HORTXE BIZITUKO NAIZ NI!!
