|
[Bertsotan]
Amuriza, Xabier - Gorrotxategi
1
AMURIZA
Kalean tokirik ez
ta nenbillen estu,
lekutxu bat hala ere
hor bazegon juxtu,
grua-zalea horra
ondatzeko prestu,
nere autoa hartu
duzu zure esku,
zu gorroto zaitunak
pekaturik eztu.
2
GORROTXATEGI
Donostira bisita
etzan lenengua,
kuidado gehiagokin
izan urrengua,
hor bazegoan nunai
horrentzat lekua;
baņo gaizki zegon da
etorri da grua,
azpi-azpitik loto
ta berakin nua.
3
AMURIZA
Lekurik eztagola
denek dakitena,
ta horra grua nunai
ta noiznai irtena,
kotxea eraman eta
hartu behar trena,
nola izan zintezke
hain asta-kirtena?
Zu egin zintuenak
ematen dit pena.
4
GORROTXATEGI
Leku gutxi daukagu
Donosti estuan,
ta kalean pasatzen
hau justu-justuan,
gero utzi du berak
nai zuen lekuan,
karneta-re ez dakit
nun atera zuan,
urrena Donosti-ra
etorri astuan.
5
AMURIZA
Bakoitzak hemen egin
behar du garraisi
kotxea galdu ta ez naiz
joango igesi,
geldetuko diegu
nai ainbat juezi,
nere kotxeak etzun
gaur horl merezi,
astorik behar bada
naiko asto haiz hi.
6
GORROTXATEGI
Kotxe bat mallatu du
bestea igurtzi,
bozina joka gero
oihu ta irrintzi,
halako baten horra
grua da iritxi,
azpitikan lotzera
nagusia jetxi,
pagatu zak multa ta
berriketa gutxi.
|
