Maisubari
Otaño, Pedro Maria
1
Esaera zarra da,
iñoiz jakintsubak,
egiñ oi dituztela
txit gauza txatxubak;
zalla dira bildutzen
onra ta protxubak
inola eztu pentsatu
au gure maisubak!
2
Guk nai diyogulako
Euskerari fidel,
ipintzen diguzu
bekoskua goibel?
Asko dakizularik
gaizki zaude, Migel,
ezin biurtu leike
amorrayik igel.
3
Gerentzako degula
naitasun urriya
ta bestienganako
guztizko tirriya.
¿Beraz orren zitala
da Euskal-erriya?
¿Ain txartzat aldaukazu
zere jatorriya?
4
Ezagun da erritik
urruti zaudena...
Ez da gaitza euskaldunak
eskatzen dutena,
baizik izan dedilla
ongi mundu dena
ta utzi deigutela.
ostu zigutena.
5
Gutxi letzen dubela
Euskeraz ta argatik
izkribatutzen dezu
erderaz gogotik.
Guk ez ta zu badezun
maitasunagatik
edo kalte geiayo
egitiagatik.
6
Jakiñik orkuak zer
tirri dabilkiten,
beñere ez dutelako
egirik iakiten,
etziñan nekatuko
lan oyek egiten,
ez baziña gaurdaño
Bilbaotik irten.
7
¡Bilbaotik irten ta
Salamanka'raño!...
¿Noraño juan zerada
zu, Migel, noraño?
gu etorriyagatik
beste munduraño,
uste det alderago
gaudela zu baño.
8
Labur gelditu arren
euskerazko lanak,
badira erderazkuak
zureganuntz joanak;
irakurri itzazu
albadezu danak
utzi gabe egiña,
basaldua jaunak.
|