Limosnatxo bat
Otaņo, Pedro M.
1
Mutill koxkor bat itxu-aurreko
zubela aldamenian,
gizon burusoill bizar zurit bat
bi makuluren gaņian,
kale (i) ertzian ikusi nuben
iņora eziņ joanian;
ta bera nor zan jakiņ nayian
inguratu nintzanian...
limosnatxo but eskatu ziran
Jainkuaren izenian.
2
Zerbait emanaz galdetu niyon
altzan modu onenian,
jayotzatikan al zeukan ala
gaitzak artuba mendian;
erantzun ziran: ez, semia, ez,
nik indarra nubenian,
ez nuben uste iritxizerik
onetara azkenian...
gaur limosna bat eskatutzen dot
Jainkuaren izenian.
3
Eta jarraitu zuben esanaz:
-lengo gerrate denian,
ni aurren xamar ibiltzen nintzan
beti edo geyenian;
nekatu gabe, aisa igoaz
aldapik luzienian;
etzan buruba asko etortzen
gu ala gabiltzanian...
gero limosna eskatutzerik
Jainkuaren izenian.
4
Odola bero eta buruba
arrua daguenian,
edozeiņ eran sartutzen da bat
alako itxumenian;
atsekabe ta negar samiņak
badatoz ondorenian;
sola erebait batek biziya
utzitzen ez dubenian...
limosnatxo bat eskatu biar
Jainkuaren izenian.
5
Iņoiz pentsatzen nere artian
ni jarritzen naizenian,
gaur ere asko dirala joango
lirakenak zuzenian,
ez luke iņork sinistatuko
zer pena ematen diran.
Ai! orla nintzan ni ere sendo
ta gazte nenguenian...
gaur limosna bat eskatutzen det
Jainkuaren izenian.
6
ĄAi! txorakeri asko egiten
da zentzurik ez danian,
sinista zazu ur au pasia
daukanaren esanian;
obiago da garai dan arte
alegintzia lanian,
negar egiņaz ibilli gabe
gero denbora joanian...
limosnatxo bat bildu eziņik
Jainkuaren izenian.
